अभिनेत्री लिन्ड्से लोहान सुधारगृहमा
भिडियोको लागी तल क्लिक गर्नुहोला
हलिउडकी ‘मिन गर्ल’ अभिनेत्री लिन्ड्से लोहान यतिखेर सुधारगृहमा छिन् । करिब एक वर्षअघि मादक पर्दाथ सेवन गरेर कार हाँक्दा दुर्घटना गराएकी लोहानलाई तीन महिनाका लागि सुधारगृह
मा पठाइएको हो । यसरी सुधारगृहमा पठाइएपनि लोहानका प्रशंसकहरु निराश हुनुपर्ने छैन । किनकि, उनी सुधारगृहमा रहेपनि आफ्ना प्रशंसक तथा शभचिन्तकसँग निरन्तर जोडिरहनेछिन् । प्रशंसकसँग जोडिन उनले सोसल मिडियाको साहारा लिएकी छन् । २६ वर्षीया लोहानलाई यसका लागि मनोरञ्जनसम्बन्धी वेबसाइट सेब्लेज डटकमले सहयोग गर्ने बताइएको छ । त्यसो त लोहान सुधारगृहमा पुगेको पहिलोपटक भने होइन । उनी पछिल्लो ६ वर्षमा ६ पटक सुधारगृहमा पुगिसकेकी छन् । अमेरिकामा सडक दुर्घटनालगायत सामान्य अपराधमा संलग्नलाई सुधारगृहमा राख्ने तथा स्वयम्सेवामा लगाउने गरिन्छ । यस्तै सडक दुर्घटना गराएपछि भागेकाले ३० दिन सामाजिक सेवाका काम पनि गर्नुपर्नेछ । लोहानले पनि डेढ वर्षसम्म मनोचिकित्सकको सेवा लिनुपर्ने भएको छ ।
0 comments
Write Down Your Responses