जुवाखालबाट गायिका थापा पक्राउ

मलाई यति हुन लेखेको,
नरोई सुख्ख के पाउँथे निरमाया,
उही दिनमा रुन लेखेको,
जानाजानी भीरमाथि बसेर,
आज घाइते भा’की छु खसेर ।
काठमाडौं, ३१ असार । लोकगायिका सिर्जना ‘विरही’ थापा    जुवा खेल्ने क्रममा राजधानीबाट पक्राउ परेकी छन् ।
महानगरीय प्रहरी परिसर काठमाडौंले समाखुसीको भण्डारी टोलस्थित मल्टी पर्पोज मेनपावरको माथिल्लो तलामा सञ्चालित जुवाखालमा छापामारेर थापासहित सातजनाको समूहलाई पक्राउ गरेको काठमाडौंका प्रहरी प्रमुख एसएसपी सुबोध घिमिरेले जानकारी दिए ।
जुवाखालबाट प्रहरीले जुवा खेल्न प्रयोग हुने क्वाइनपनि बरामद गरेको छ । योसहित सिर्जना जुवा खेल्ने क्रममा दोस्रो पटक जुवाखालबाट पक्राउ परेकी हुन् । सो स्थान मिनी क्यासिनो जस्तै रहेको प्रहरी भनाई छ ।
मेनपावरको माथिल्लो तलालाई क्यासिनोजस्तै बनाएर जुवा खेलाइएको अवस्थामा आइतबार बेलुका छापामारेर प्रहरीले सृजनासहितका सात जनालाई पक्राउ गरेको हो ।
जुवाखालबाट तीनलाख तीनहजार रुपियाँ नगद, ७६ वटा क्वाइन, एउटा पाँचलाखको चेक तथ अर्को खाली चेक पनि बरामद भएको छ ।
गायिका थापा पटक–पटक विवादमा मुछिँदै आएकी छन् । केही महिना अघि पनि उनी ढुकुटी प्रकरणमा झण्डै दुई दिन हनुमानढोका हिरासतमा बिताई सकेकी छन् ।