सडक भत्काएर पार्किङस्थल ! (फोटोफिचर) कालोपत्रे नभएसम्म कारबाही छैन : प्रहरी

कालोपत्रे नभएका ठाउँ चाँहि यतिबेला सवारी साधन पार्किङ गर्ने स्थल जस्तै भएको छ । काठमाडौंमा उसै त पार्किङ गर्ने ठाउँको समस्या छ, खाली ठाउँ देखेपछि त सवारी चालकलाई झनै सजिलो हुने नै भयो । त्यसैले विस्तारित सडकका अधिकाँश छेउकुनाका खाली ठाउँहरु सवारी साधन गुडान हैन, पार्किङ गर्न मात्रै प्रयोगमा आइरहेको छ ।
कालोपत्रे नभएसम्म कारबाही छैन : प्रहरी
यसरी जथाभावी पार्किङ गर्नेलाई ट्राफिक प्रहरीले खासै कार्वाही गरेको देखिँदैन । ‘कालोपत्रे सडकमा जथाभावी पार्किङ गर्नेमाथि कार्वाही भैरहेको छ, तर कोलोपत्रे नभएका सडकमा पार्किङ गर्नेलाई चाहिँ कार्वाही गरिएको छैन’-ट्राफिक प्रहरी प्रवक्ता डीएसपी पवन गिरीले अनलाइनखबरसित भन्नुभयो । ट्राफिक प्रहरीको संख्या कम भएकाले पनि सबैतिर हेर्न नभ्याइएको उहाँले बताउनुभयो । विस्तार भएको सडक मर्मत तथा पुनर्निर्माणमा ढिलाइ भैरहँदा भत्काइएको खाली ठाउँ सवारी साधन पार्किङका लागि उपयुक्त थलो बनेको हो ।