अब मुसहर बस्तीमा पनि बिजुली
भिडियोको लागी तल क्लिक गर्नुहोला >>> 
भिडियोको लागी तल क्लिक गर्नुहोला >>> २९ चैत, सिरहा । सिरहाको उत्तरवर्ती गाविस विष्णुपुरकट्टी- ५ मुसहर बस्तीमा बिजुली पुगेपछि त्यहाँका बासिन्दा खुसी भएका छन् ।
समग्र जनउत्थान लहानद्वारा सञ्चालित नागरिक सचेतना केन्द्रको पहलमा मुसहर बस्तीमा बिजुली पुगेको हो । विष्णुपुरकट्टीको अन्य बस्तीमा वषौर्ंदेखि बिजुली बले पनि मुसहर बस्तीमा बिजुली पुगेका थिएनन् ।गाविसबाटै रकम विनियोजन गरी मुसहर बस्तीमा पनि बिजुली पुर्याउन सफल भएको नागरिक सचेतना केन्द्रका अध्यक्ष मसनी सदायले बताउनुभयो । “बिजुली नहुँदा तीन किलोमिटरको दूरी पार गरेर अन्य गाउँमा मोबाइल चार्ज गर्न जानुपर्ने बाध्यता थियो, स्थानीय रामबती सदायले भने, “अब सो समस्या टरेको छ ।” विष्णुपुरकट्टी-५ मा ४५ घरपरिवारका मुसहर छन् । रासस
0 comments
Write Down Your Responses