समाचार » कोरियालीबाट कोरियाली बलात्कृत

काभ्रे, चैत्र २६ - दक्षिण कोरियाली एक पुरुषले त्यही देशकी एक महिलालाई बलात्कार गरेका छन् । ३४ वर्षीया जिन हि पार्क (पासपोर्ट नम्बर एम ८३७२०८६५) ले आफूमाथि बलात्कार गरेको भन्दै प्रहरीमा उजुरी दिएपछि उक्त घटना सार्वजनिक भएको हो । पीडित महिलाले दक्षिण कोरियाकै ५० वर्षीय बिई योङ पार्क (पासपोर्ट नम्बर एम ८३५६८९९२) ले नगरकोटको होटलमा जबरजस्ती गरेको आरोप लगाएकी छन् । 'बलात्कृत भई भनेर उजुरी आएको छ,' इलाका प्रहरी कार्यालय बनेपाका प्रमुख खेम आचार्यले भने, 'घटनाबारेमा अनुसन्धान अगाडि बढाएका छौ ।' पीडित महिलाले 'चैत २३ गते राति छुट्टाछुट्टै कोठा लिएर बसिरहेका बेलामा टुथपेस्ट लिने बहानामा ती पुरुषले जबरजस्ती बलात्कार गरेको' आफ्नो उजुरीमा उल्लेख गरेकी छन् ।

0 comments

Write Down Your Responses