समाचार » बोक्सीको आरोपमा आमासमूहले नै गर्‍यो कुटपिट

भिडियोको लागी तल क्लिक गर्नुहोला >>>

२८ चैत, नुवाकोट । नुवाकोटको लच्याङ-२ मा मसिनी भनिने सानुकान्छी तामाङलाई बोक्सीको आरोप लगाएर आमा समूहले नै कुटपिट गरेको छ । घटनाबारे जिल्ला प्रहरी कार्यालय नुवाकोटले छानविन सुरु गरेको छ । चैत २६ गते सोमबार स्थानीय आमा समूह र अन्य गाँउलेहरुले मसिनीलाइए निर्घात कुटपिट गरेका थिए । नुवाकोट प्रहरीले घटनामा संलग्नहरुलाई नियन्त्रणमा लिएर अनुसन्धान सुरु गरे जिल्ला प्रहरी कार्यालय नुवाकोटका प्रहरी नायव उपरीक्षक बेलबहादुर पाण्डेले बताउनुभएको छ । सोमबार छलफलका लागि भन्दै बोलाएर कान्छीमायाँलाई स्थानीय मंगलादेबी आमा समूह र गाउँलेहरुले कुटपिट गरेका थिए । आमा समूहले घटना स्वीकार गर्न दबाब दिँदै कुटपिट गरेका र राति युवाहरुले बेहोस हुने गरेर पिटेको पीडित मसिनीले बताउनुभयो । घटनामा संलग्न रहेकामध्ये कालीबहादुर तामाङले सुकुलाललाई कान्छीमायाँले छक्याएर रक्सी खान दिई बिरामी बनाएकाले कुटपिट गरेको स्वीकार गरेका छन् । प्रहरीले कान्छीमायालाई कुटपिट गर्ने कार्यमा संलग्न रहेका लच्याङ-दुईका सुकुलाल तामाङ, आइतमान तामाङ, सूर्यबहादुर तामाङ, विष्णुराज तामाङ, मिलन तामाङलगायतलाई प्रक्राउ गरेर अनुसन्धान थालेको छ ।भिडियोको लागी तल क्लिक गर्नुहोला >>>

Labels: समाचार