२२ बैशाख, काठमाण्डौ । मलेसियामा जारी अन्डर १९ एलिट कप क्रिकेटमा नेपालले लगातार दोस्रो जित दर्ता गरेको छ । आइतवार क्वालालम्पुरस्थित बायुमास ओभलमा भएको खेलमा कतारलाई ९ विकेटले हराउँदै नेपालले लगातार दोस्रो जित हात परेको हो । कतारले दिएको ९४ रनको विजयी लक्ष्यका साथ मैदान उत्रिएको नेपालले १० दशमलब ५ ओभरमा एक विकेटको क्षतिमा लक्ष्य भेट्टाएको हो । नेपालका लागि अमित श्रेष्ठले नट आउट ७० रनको योगदान दिए । यस्तै निश्चल पाण्डेले १२ तथा हरिशंकर शाहले ८ जोडे । यसअघि टस जितेर पहिले ब्याटिङ गरेको कतारले ३६ दशमलब ३ ओभरमा सवै विकेट गुमाउँदै मात्र ९३ रन जोडेको थियो । कतारका उजिर अहमदले सर्वाधिक २४ रन, मर्जि महोमद वेगले १६, सायद स्वफनले १४ तथा जहाँगिर इशानले १२ रनको जोडेका थिए । कतारका तीन ब्याट्स म्यान खाता नै नखोलि पेभिलियन फर्किएका थिए । नेपालका लागि अभिनाश कर्णले चार विकेट लिए भने शुसान्त भारीले २ तथा निश्चल पाण्डे र कप्तान भुवन कार्कीले समान एक-एक विकेट लिए ।
भिडियो हेर्न तलको बक्समा डबल क्लिक गर्नुहोला

Labels: खेलकुद