बुधबार मध्यराति पहिराले उनलाई ५० मिटर तल बगाएको बताइएको छ। अविरल वर्षासँगै आएका पहिरामा परी तीन घरका आठ जनाको ज्यान गएको छ। मृत्यु हुनेमा थुकिमा गाविस–६ निवासी ६९ वर्षीय अष्टबहादुर सिवा, उनकी श्रीमती ६० वर्षीया जसमाया, उनका छोरा ४० वर्षीय सलमान, बुहारी ३४ वर्षीया मनमाया र नाति १४ वर्षीय नानीराम तथा १२ वर्षीय खगेन्द्र सिवा, आशिष सिवा र सोही ठाउँका तेजबहादुर सिवाकी १० वर्षीय छोरी नैना रहेको प्रहरी नायब उपरीक्षक आचार्यले जानकारी दिए।
पहिरामा बेपत्ता ३१ वर्षीय तेजबहादुर सिवा, उनकी श्रीमती २९ वर्षीय मुना र १० वर्षीय काजी सिवा अझै बेपत्ता छन्। उनीहरूको खोजी जारी छ। यसैबीच आजै शव आफन्तलाई जिम्मा लगाइसकिएको छ। पहिरो प्रभावितलाई राहत पठाउने तयारी भइरहेको प्रमुख जिल्ला अधिकारी किरण थापाले बताए। घटनास्थल सदरमुकामदेखि १२ कोस टाढा पर्छ।