आज मिति २०७० जेठ २४ गते शुक्रबार । राजधानीबाट प्रकाशित आजका दैनिक पत्रपत्रिकाले ताप्लेजुङमा गएको पहिरोमा परी ९ जनाको ज्यान गएको खबरलाई प्रमुखताका साथ छापेका छन् ।

आजको कान्तिपुर दैनिकले कात्तिक २८ मा चुनाव गराउन निर्वाचन आयोगले प्रस्ताव गरेको खबरलाई प्रमुख रुपमा छापेको छ । नागरिक दैनिकले अस्पतालको इमर्जेन्सीमै डाक्टर नभएको खबरलाई मुख्य रुपमा छापेको छ ।

आजको राजधानी दैनिकले पूर्वसभासद् सदरुलको हत्या छोरी र उनको प्रेमीबाटै भएको खबरलाई मुख्य रुपमा छापेको छ भने अन्नपूर्ण पोष्टले खाने तेलमा अर्ब भन्दा बढी भ्याट गैरकानुनी फिर्ता शीर्षकको खबर मुख्य रुपमा छापेको छ ।