आज मिति २०७० साउन २० गते आइतबार । राजधानीबाट प्रकाशित आजका दैनिक पत्रिकाले उच्चस्तरीय राजनीतिक समितिले मोहन बैद्य नेतृत्वको नेकपा-माओवादीसहितका निर्वाचनको विपक्षमा रहेका दलहरुलाई निसर्त वार्तामा बस्नका लागि चिठ्ठी पठाएको खबरलाई प्राथमिकताका साथ छापेका छन् ।

कान्तिपुर दैनिकले बर्डफ्लुको संक्रमण थप ८ वटा र्फममा भेटिएको खबरलाई मुख्य बनाएको छ । नागरिक दैनिकले तीन दिनदेखि गर्भमा मृत शिशु रहेको खबरलाई प्रमुखताका साथ छापेको छ । खुमबहादुरले जेलमुक्त हुँदा ४० हजार टिसर्ट बाँड्ने तयारी गरेको नयाँ पत्रिकामा मुख्य खबर छ भने, फिरौती रकम बुझ्न प्रहरी अधिकृत नै अपहृतको घरमा पुगेको खबर राजधानी दैनिकले मुख्य रुपमा छापेको छ ।