विश्वप्रसिद्ध पपस्टार रिहानाको सांगीतिक टुरका सामान बोकेका १० वटा सवारीसाधन क्यानडा र अमेरिकाको सीमाबीच प्रहरीले रोकी कारबाही गरेको छ ।
ती मध्ये एउटा बसमा प्रहरीका तालिमप्राप्त कुकुरमार्फत लागूपदार्थ रहेको सुईँको पाएपछि छानबिन गरिँदा त्यसमा सवार भएको नाम नखुलाईएका एक यात्रुसँग गाँजा भेटिएको एजेन्सीले जनाएको छ ।
आवश्यक जरिaवान तिराईएपछि उक्त बसलाई अमेरिका प्रवेश गर्ने अनुमति दिइएको अन्तराष्ट्रिय समाचार माध्यमले जनाएको छ ।
रिहानाको डाइमोन्डस् वल्र्ड टुरको दौडान ती बस मिचिगनको डिट्रोइट जाँदै थिए । तर भाग्यबश प्रहरीको उक्त कारबाहीको क्रममा लागूपदार्थ लिने गरेको स्वीकार्ने गरेकी रिहाना बसमा सवार नरहेको बताइएको छ ।