नयाँ वर्षमा के-के गर्दैछन् कलाकार ?

नयाँ वर्ष २०७० नजिकिंदै गर्दा गायक गायिकालाई कन्सर्टको तयारीले व्यस्त बनाएको छ। गायक निमा रुम्बा नयाँ वर्षको अवसर पारेर चुच्चेपाटीस्थित केएल टावरमा कन्सर्ट गर्दैछन्। शनिबार नै झम्सिखेलस्थित एट डिग्रीमा हुने 'न्यु इएर इभ' पनि उनलाई भ्याउनु छ। सो कन्सर्टमा उनलाई डिजे अन्सुले साथ दिदैंछन्।
'नयाँ वर्षमात्र होइन चाडपर्व सुरु भयो की हाम्रा व्यस्तता बढ्ने गर्छ व्यस्तताले पारिश्रमिक पनि बढाउँछ,' निमाले भने।
गायक हेमन्त शर्मा नयाँ वर्षमा कार्यक्रम गर्न बुधबार इजरायल जाँदैछन्। शनिबार इजरायलको शो भ्याएर बेलायत जाने उनको कार्यक्रम छ। 'नयाँवर्षको सुरुवात राम्रो भएको छ। इजरायलमा ९० हजारमाथिको सम्झौता गरेको छु भने लण्डनमा आयोजकले खुलाएका छैनन्,' उनले भने। उनीसँग शिव परियार र गायिका इन्दिरा जोशीले समेत इजरायल जाँदैछन्। गायक परियारले राजधानीको केही कन्सर्ट समेत भ्याउने बताए।
गायिका श्रेया सोताङ नयाँ वर्षमा सांगीतिक खुराक लिएर दाङ जाँदैछिन्। रजिना रिमाललाई मोरङ र हेटौैडाको कन्सर्ट तयारीले व्यस्त बनाएको छ। रजिनाले नयाँ वर्षबाटै पारिश्रमिक बृद्धि गरेको बताईन्। 'कन्सर्ट छनोट गर्दा विशेष ध्यान दिन थालेकी छु,' उनले बताईन्।
गायक नविन के भट्टराई लण्डनमा हुने कन्सर्टको तारतम्य मिलाउन जुटेका छन्। नयाँवषको अवसरमा दशरथ रंगशाला भारतीय अभिनेत्री राखी सावन्त रंगाउँदै छिन्। गायिका निशा सुनार र बद्री पंग्रेनी हेटौंडामा शुक्रबार प्रस्तुती दिएर राजधानीको कार्यक्रम भ्याउन आउनेछन्। गायक निर्णय श्रेष्ठले किताव संकलन अभियानलाई निरन्तरता दिदैंछन्। 'विभिन्न स्कुलमा गएर किताव संकलन कार्यलाई नयाँवर्षमा समेत निरन्तरता दिदैंछु। अन्य कन्सर्टमा सहभागि हुने योजना बनाइसकेको छैन्,' उनले भने।

Labels: मनोरञ्जन