समाचार » सुतेकै अवस्थामा एक नेपालीको ज्यान गयो

२६ चैत मलेसिया । एक नेपालीको श्रमिकको सुतेकै अवस्थामा सोमवार मलेसियामा ज्यान गएको छ । सप्तरी जिल्ला भन्सापुर गाविस वडा नं-८ घर भई सेलाङरको सिमोनिया सुगाईलेलामा रहेको सिन्दव फर्निचर कम्पनीमा कार्यरत अन्दाजी ३८ वर्षीय शम्भुकुमार मण्डलको सुतेकै अवस्थामा ज्यान गएको हो । बिहान साथीभाइसँग पैसा सापटी लिएर मोवाइलमा रिचार्ज गरी घर फोन गरेका मण्डल दिउँसो १२ बजेसम्म पनि खाना खान नआएपछि उठाउन थाल्दा सुतेकै ठाउँमा ज्यान गैसकेको पत्ता लागेको थियो । दुई वर्षअगाडि मलेसिया आएका मण्डलको परिवारमा एक छोरा र श्रीमती रहेका छन् । मृतक मण्डलको शवलाई पोसमार्टमका लागि सेरडाङ अस्पतालमा लगिएको सोही कम्पनीमा कार्यरत सञ्जय मण्डलले जानकारी गराएका छन् ।

0 comments

Write Down Your Responses