अन्तराष्ट्रिय » अन्धाधुन्ध गोली चलाउँदा १३ को मृत्यु

२७ चैत, बेलग्रेड । सार्बियाली शहर बेलग्रेडको बाहिरी इलाकामा अवस्थित एक गाउँमा एकजना व्यक्तिले अन्धाधुन्ध गोली चलाउँदा कम्तीमा तेह्र व्यक्तिको मृत्यु भएको छ । घटना राजधानी बेलग्रेडदेखि ५० किलोमिटर दक्षिणमा पर्ने भेलिका इभान्का गाउँमा भएको समाचारमा जनाइएको छ । आक्रमणबाट ६ पुरुष र ६ महिलासहित एक बालकको मृत्यु भएको जनाइएको गृह मन्त्रालयका प्रवक्तालाई उदृत गर्दै एएफपीले जनाएको छ । यस घटनाबाट मारिने व्यक्तिहरू दुईवटा घरमा भेटिएको जनाइएको छ । साथै यस आक्रमणमा अन्य तीन व्यक्ति घाइते भएको छ । के कति कारणले गोली चलाएको हो भन्ने बारेमा पनि केही नखुलेको समाचारमा जनाइएको छ । रासस/एएफपी

0 comments

Write Down Your Responses