समाचार » जन्तिको गाडी दुर्घटना, ११ घाइते

३१ वैशाख, बारा । पुर्व पश्चिम राजमार्ग अन्तर्गत बाराको निजगढमा गएराति जन्ती बोकेको माइक्रो बस दुर्घटना हुदा ११ जना घाइते भएका छन । हेटौडाको लामुसुरेबाट बेहुली लिएर सलाहीको हरिऔन तर्फ जादै गरेको ना. १ ज. १७०२ नम्बरको माइक्रोबस गएराति पौने ९ बजे दुर्घटनामा परेको हो । घाइते हुहरुनेमा सर्लाही हरिऔनका जिवन विक, जितबहादुर विक, सुरज विक, सृजना लामामिछाने, राजन विक, दिपक विक, सुस्मिता रसाइली, लालबन्दीका ज्ञानबहादुर विक र सुनिलकुमार साह, महोत्तरी गौरीगंजकी अनिता विक र सिन्धुली डकाहाका पोष्टबहादुर विक रहेका छन । घाइते मध्ये २१ बर्षका जीवनको अवस्था गंभिर छ, उनलाइ थप उपचारको लागि विरगंज लगिएको छ भने अन्यको निजगढमै उपचार भइरहेको छ । तिब्र गतिमा रहेको माइक्रोबस अनियन्त्रित भै सडकबाट तल खसेर दुर्घटनामा परेको प्रहरीले जनाएको छ । माइक्रोबसका चालक भने फरार रहेको इलाका प्रहरी कार्यालय निजगढले जनाएको छ । भिडियोको लागी तल क्लिक गर्नुहोला

0 comments

Write Down Your Responses