एउटै नम्बर प्लेटका दुई मोटरसाइकल भेटियो

स्याङ्जा, ४ जेठ । स्याङ्जामा एउटै नम्बर प्लेट भएका दुई वटा मोटरसाइकल भेटिएको छ ।जिल्ला ट्राफिक प्रहरी कार्यालयले सामान्य जाँचका क्रममा त्यस्ता मोटरसाइकल फेला पारेको हो । ग७प ४७७१ नम्बर प्लेट भएका ती दुवै मोटरसाइकल होन्डा कम्पनीको एउटै रङको भएको ट्राफिक प्रहरी जवान ज्ञानराज पोखरेलले जानकारी दिनुभयो । उहाँका अनुसार पोखरास्थित कुँवर ब्रदर्श एन्ड सन्सबाट गरिमा विकास बैंक स्याङ्जाका प्रेमनारायण अर्याल र क्वालिटी फुड्स एन्ड स्नाक्स प्रालि पोखराका वसन्त सिग्देल चढेका ती दुवै मोटरसाइकल एउटै मितिमा खरिद बिक्री भएको भेटिएको छ । दुवै मोटरसाइकलालाई प्रहरीले नियन्त्रणमा लिएर अनुसन्धान सुरु गरेको छ ।

Labels: समाचार