फुटबल हेर्दै गर्दा किन उत्तेजित भइन् सुष्मा ?
शनिबार काठमाण्डौको दशरथ रंगशालामा नेपाली सिनेमाका कलाकारहरुको जमघट निक्कै राम्रो देखियो । पुराना देखि नयाँ चल्तिका सबै कलाकार रंगशालामा फुटबल हेर्न र खेल्न पुगेका थिए । तर उक्त कार्यक्रममा अन्य नायिका भन्दा सुष्मा कार्कीको क्रियाकलाप हेर्नलायक नै थियो । नायिका सुष्मा कार्की एकैछिन मात्र मैदानमा प्रवेश गरिन् । तर मैदान बाहिर रहेर उनले अचम्मको क्रियाकलाप देखाइन् । सयौ दर्शकले सुष्मा कार्कीको उक्त क्रियाकलापलाई राम्रैसँग अबलोकन पनि गरेका थिए । तर सुष्मालाई त्यसको प्रवाहा थिएन । उनी कहिले मैदान बाहिर आइटम नृत्य गर्थिन् त कहिले विभिन्न कलाकारको क्यारिकेचर । सुष्माको क्रियाकलाप देखेर फुटबल हेर्न आएका पत्रकार देखि दर्शक पनि हाँसिरहेका थिए । सुष्मा आखिर यति धेरै उत्तेजित र हौसिएकी किन थिइन् त्यो उनले नै जान्ने कुरा थियो । तर सुष्माले मैदान बाहिर देखाएको क्रियाकलाप कुनै एक सेलिब्रेटिले देखाउने जस्तो थिएन । मैदान बाहिर आफ्नो टिमलाई हौसाउनु त सामान्य नै हो तर आफै गीत गाउँदै विभिन्न पोजमा आइटम नृत्य गर्ने देखि विभिन्न कलाकारको क्यारिकेचर गरेर रमाउने सुष्मालाई देखेर दर्शकले धेरै कुरा सोचेका थिए । केही दर्शकले अनलाइनखबरसँग कुरा गर्दै सुष्मा कार्कीको क्रियाकलाप देखेर अनौठो लागेको बताए ।
0 comments
Write Down Your Responses