सेस फेब्रिगासले स्पेनिस क्याटलन बार्सिलोनामै बस्ने इच्छा देखाएका छन् । प्रिमियर लिग च्याम्पियन म्यानचेष्टर युनाइटेडसहितका इङ्ग्लिस क्लब उनलाई भित्र्याउन आतूर भएपछि फेब्रिगासले नाउ क्याम्प छाड्ने संकेत दिएनन् ।

‘यदि बार्सिलोनाले म चाहिन्न भन्यो भने अर्कै कुरा हो’ उनले भनेका छन्-’तर म बार्सिलोनामै बस्न चाहन्छु । किनभने त्यो मेरा बाल्यकालदेखि कै सपना हो ।’

बार्सिलोनाले ब्राजिलियन स्टार नेयमारलाई भित्र्याएपछि २६ वर्षीय स्पेनिस स्टार फेबि्रगास बेन्चमा आउने धेरैको अनुमान छ । उनले पनि क्लबमा आफ्नो स्थानबारे प्रशिक्षकसँग कुरा गरेको बताइएको छ ।

इङ्ग्लिस क्लब आर्सनलका पूर्व कप्तान समेत रहेका फेब्रिगास २०११ मा बार्सिलोना गएका हुन् । पहिलो सिजन बार्सिलोनाका केही सर्मथकले आफ्नो खेल मन पराएपछी  त्यसले आफूलार्इ सुधार गर्न मदत गरेको उनले बताएका छन् ।