१ असार, चितवन । चितवनको दारेचोक गाविस-३ कुरिनटारस्थित त्रिशूली नदीमा पौडी खेल्ने क्रममा डुबेर शनिबार पाँचजना बेपत्ता भएका छन् ।

अपराहृन पौडीखेल्न गएका छजनामध्ये पाँचजनालाई बगाएको र एक जना भने सकुशल रहेको स्थानीयको भनाइ उद्धृत गर्दै इलाका प्रहरी कार्यालय मुग्लिन चितवनले जनाएको छ । बेपत्ता हुनेहरुमा चितवन चोबीसकोटीकी अन्दाजी १८ वषर्ीया मोनिका रेग्मी, रजनी रेग्मी, लिजा रेग्मी, अस्मिता रेग्मी र जनक रावत बेपत्ता भएका छन् भने प्रशान्त रेग्मी सकुशल रहेको मुग्लिनका प्रहरी निरीक्षक लोकबहादुर गुरुङले जानकारी दिनुभयो ।

अहिले घटनास्थलमा सशस्त्र प्रहरीको विपद व्यवस्थापन टोलीसहितको प्रहरी टोली घटनास्थलमा पुगिसकेको र उनीहरूको खोजी सुरु भइसकेको प्रहरी निरीक्षक गुरुङले बताउनुभयो । रासस