राजनीतिमा आउने बिषयमा गायिका कोमल वली र नायक राजेश हमालले विभिन्न समयमा आफ्नो भनाई सार्वजनिक गर्दै आएका छन् । हमाल र वली नेपालको राजनीतिक क्षेत्रमा आएको खण्डमा अनौठो नमान्दा पनि हुन्छ ।तर वास्तविक जीवनमा नभई पर्दामा भने हमाल र वली मझैले राजनीति गरिरहेको अवस्थामा देख्न सकिनेछ । वसन्त निरौलाको निर्देशनमा तयार भएको चलचित्र ‘राजनीति’मा हमाल र वलीको जोडीलाई देख्न सकिन्छ । चलचित्रमा पवित्रा आचार्य र दिपक सुवेदीको पनि अभिनय छ । यो चलचित्रको फष्ट लुक अनलाइनखबरमार्फत सार्वजनिक गरिएको छ । चलचित्रको फष्ट लुकलाई दर्शकले मन पराउने विश्वास निर्देशक निरौलाले गरे ।

वी.एन फिल्मस्को व्यानरमा तयार भएको यो सिनेमामा अष्ट महर्जनको द्वन्द्व, अर्जुन पोखरेल, लोचन र सानको संगीत, शिव ढकालको छायांकन, किरण माइकलको कथा समावेश छ ।चलचित्रलाई दिपक सुवेदी र दिपक भट्टराइले निर्माण गरेका हुन् । हरितालिका तिजको अवसर पारेर प्रदर्शनमा आउन लागेको यो सिनेमाले देशको राजनीतिक अवस्थालाई चित्रित गर्न खोेजेको छ ।