आज मिति २०७० साउन २१ गते सोमबार । राजधानीबाट प्रकाशित आजका दैनिक पत्रिकाले एक अर्बको ट्रान्सर्फमर किन्दा गरेको घोटलका आधारमा विद्युतका सहायक प्रबन्धकसहित सातजना हिरासतमा परेको खबरलाई प्राथमिकताका साथ छापेका छन् ।

कान्तिपुर दैनिकले असन्तुष्ट दलले वार्ता स्वीकार गरेको र एजेन्डा तय गर्न बैठक बस्ने तयारीमा रहेको खबरलाई मुख्य खबर बनाएको छ । नागरिक दैनिकले निर्वाचन क्षेत्र निर्धारण आयोगलाई काम सक्न सात दिन म्याद थपेको खबरलाई मुख्य रुपमा छापेको छ । ् पहाड ताक्दै मधेसी दलको खबर नयाँ पत्रिकाले छापेको छ भने मधेसी दलनै छिन्नभिन्न भएको खबर राजधानी दैनिकले छापेको छ ।