काठमाडौं, अभिनेत्री मनिषा कोइरालाले पाठेघर क्यान्सर उपचारपछिका आफ्ना केही फोटोहरु आज माइक्रो ब्लगिङ साईट ट्वीटर मार्फत सेयर गरेकी छिन् । क्यान्सरको उपचारपछि मुम्बई फर्किए लगत्तै मनिषाले यसअघि पनि आफ्ना ‘नयाँ अवतार’का केही फोटोहरु ट्वीटरमा सेयर गरेकी थिइन् ।

मनिषाले आज पुनः यसअघि सेयर गरिसकेका आफ्ना फोटोका साथमा केही नयाँ फोटोहरुसमेत सेयर गरेकी छिन् । मनिषाले आफ्नो ‘नयाँ अवतार’ भन्दै ती फोटोहरु सेयर गरेकी हुन् ।

मनिषाले सेयर गरेका केही फोटामा उनलाई ‘राजराजेश्वरी पूजा’मा सहभागी भएको देखिएको छ भने एक फोटोमा उनी आफ्ना बाबुसँगै देखिएकी छिन् ।

मनिषा केही दिनअघि क्यान्सरमुक्त भएर मुम्बई फर्किएकी थिइन् । गतवर्ष अमेरिकाको न्यूर्योकस्थित मेमोराईज स्यालोन अस्पतालमा उनको पाठेघर क्यान्सरको सफल शल्यक्रिया गरिएको थियो । त्यसपछि न्यूर्योकमा रहिरहेकी मनिषा केही दिनअघि मात्रै मुम्बई फर्किएकी हुन् ।