२७ साउन, काठमाण्डौ । पेट्रोलियम पदार्थको मुल्य आइतवारबाट बढेको छ । नेपाल आयल निगम संचालक समितिको बैठकले लागू हुने गरी मूल्य बढाउने निर्णय गरेपछि आइतवारबाट डिजेल र मट्टीतेलमा एक रुपैयाँ, पेट्रोलमा दुई रुपैयाँ मुल्य बढेको छ ।

अब एक लिटर डिजेल र मट्टीतेलको लागि एक सय तथा पेट्रोलका लागि १ सय २५ तिर्नु पर्नेछ । यस्तै हवाई इन्धनमा आन्तरिकतर्फ प्रतिलिटरमा १० रुपैयाँ तथा बाहृयतर्फ प्रतिकिलोलिटर ५० डलर बढेको छ ।