समाचार » माओवादी युवा नेता पक्राउ

२७ साउन, काठमाडौं । वैद्य माओवादी समर्थित राष्ट्रिय युवा जनस्वयंसेवकका सचिवालय सदस्य विजय केसी -विकल्प)लाई प्रहरीले पक्राऊ गरेको छ । चुरेभावरका पार्टीका नेता भूमिराज निरौलामाथि कालोमोसो दल्ने प्रयास गरेको आरोपमा केसीलाई शनिबार ललितपुरको धापाखेलबाट पक्राऊ गरिएको हो । चुरेभावरका भूमिराज निरौलाले जनस्वयंसेवकका अध्यक्ष उदयबहादुर चलाउनेविरुद्ध मानवअधिकार आयोगमा उजुरी दिएको विषयमा निरौलासँग छफफल गरेर र्फकनेक्रममा केसीलाई प्रहरीले पक्राउ गरेको चलाउनेले बताउनुभएको छ । केसीलाई तत्काल रिहा नगरिए कडा कदम चाल्ने चलाउनेले वक्तव्यमार्फत चेतावनी दिनुभएको छ । चरेभावरका नेता निरौला र जनस्वयंसेवकवीच निकै पहिलेदेखि नै विवाद रहँदै आएको छ । यसैक्रममा दुईसाताअघि निरौलालाई जनस्वयंसेवकका कार्यकर्ताले भुमाफियाको आरोप लगाउँदै मोटरसाइकलबाट ओरालेर कालोमोसो दल्ने प्रयास गरेका थिए ।

0 comments

Write Down Your Responses