मोटरसाइकल सिटमुनि लागुऔषध

विराटनगर, चैत २६ - सीमावर्ती जोगवनी बजारबाट मोटरसाइकलको सिटमुनि ठूलो परिमाणमा लुकाइछिपाई ल्याएको लागुऔषधसहित एक व्यक्तिलाई आज विराटनगरको महेन्द्र चौकबाट पक्राउ गरिएको छ।

को५प ९०६१ नम्बरको मोटरसाइकलको सिट र पेट्रोल ट्ङ्कीमुनि लुकाइछिपाइ ल्याइएको लागुऔषधिसहित धरान-८ का २८ वर्षीय विष्णु श्रेष्ठलाई मोरङ प्रहरीले पक्राउ गरेको हो।
वडा प्रहरी कार्यालय विराटनगर (क) तथा पूर्वक्षेत्रीय प्रहरी कार्यालय रानीबाट खटिएको संयुक्त प्रहरीको टोलीले जाँचका क्रममा मोटर साइकलबाट एस. पी. ट्याबलेट ४५६ थान तथा कोरेक्स बोतल पाँच थान बरामद गरेको छ।
पक्राउ भएका श्रेष्ठले जोगवनीमा उक्त लागुऔषध रु ६ हजारमा खरिद गरेको प्रहरीलाई बताएका छन्। उनलाई आवश्यक कारबाहीका लागि जिल्ला प्रहरी कार्यालय मोरङमा पठाइएको छ।

Labels: अन्य, समाचार, समाज