समाचार, समाज » झलनाथ खनाल हर्बल व्यापारमा

२३ चैत, काठमाण्डौं । क्यान्सर निदानमा बहुउपयोगी लोठसल्लाको पात संकलनमा सर्वसाधारण र व्यापारीको मात्र नभई पूर्वप्रधानमन्त्री एवंर् माले अध्यक्ष झलनाथ खनालको पनि पारिवारिक लगनी देखिएको छ । खनालकी पत्नी रविलक्ष्मी चित्रकार संकलनको अनुमति लिन वन मन्त्रालय र वन विभाग धाइरहेकी छन् । जानकारहरुका अनुसार खनाल परिवारले गत बर्ष किशोरी महतो र लुना भन्ने व्यत्तिबाट करिब १८ करोड रुपैयाँ साझेदारीमा हेटौंडा बसामाडीमा रहेको ‘माछापुच्छ्रे हर्बल कम्पनी प्रालि’ किनेको थियो । माछापुच्छ्रे लोठसल्लाको पात प्रशोधन गर्ने उच्चस्तरीय कम्पनी हो । माछापुच्छ्रेसँगै बसामाडीमा ‘नेचुरल फ्लावर्स एन्ड हर्वल प्राली’ नामको प्रशोधन कम्पनी पनि छ । नेपालमा यस्ता प्रशोधन कम्पनी यी दुई मात्र हुन् । २०४७ सालको अन्तरिम सरकारमा वनमन्त्री रहेका बेला खनाल ‘सालसिड प्रकरणमा’ तानिएका थिए । त्यतिबेलैदेखि वनस्पतिजन्य उद्योगमा उनको रुचि बढ्दै गएको थियो । लोठसल्लाको पात प्रशोधन गरी ‘ट्याक्सोल’ नामको रासायनिक पदार्थ उत्पादन गरिन्छ, जुन क्यान्सर निदानमा प्रयोग हुन्छ्, कान्तिपुर दैनिकमा खबर छ । जानकारहरुका अनुसार एक मिलिग्राम ट्याक्सोलको करिब ५ हजार ५ सय पछै । वैज्ञानिकहरुका अनुसार एक जना क्यान्सरको बिरामीलाई २ ग्राम शुद्ध ट्याक्सोल आवश्यक पर्छ । डाबर नेपाललाई लोठसल्लामा काम गर्ने पायोनियर कम्पनी मानिन्छ । यसले काभ्रेको बनेपामा लोठसल्लाको नर्सरी स्थापना गरी विरुवा उत्पादन गरिरहेको छ ।

0 comments

Write Down Your Responses