व्यापारीहरुले आगामी असार ११ गते 'ए' प्लट खाली गरी सक्नुपर्ने छ। अटेर गरेमा स्थानीय स्वायत्त शासन ऐन, २०५५ एवम् नियमावली २०५६ बमोजिम टहराहरु भत्काइने नगरपालिकाद्वारा जारी सूचनामा जानकारी गराईएको छ।

विराटनगर उपमहानगरपालिकाभित्र व्यस्त बुधहाट चौकमा 'ए, 'बी', 'सी' र 'डी' गरी चारवटा व्यापारिक प्लटहरु छन्। नपाले ...सी' प्लटमा मात्रै आधुनिक व्यापारिक भवन निर्माण गरेको छ। अरु प्लटहरुमा वर्षोदेखि टहरा र साना भवन वनाएर व्यापारीहरुले कव्जा जमाउँदै आएका छन्। नगरपालिकाले खाली गराइएका प्लटमा तत्काल सवारीसाधन सःशुल्क पार्किङको व्यवस्था गरिने र पछि आधुनिक व्यापारिक कम्पलेक्स निर्माण गर्ने योजना सार्वजनिक गरेको छ।

उपमहानगरपालिकाको आम्दानी वृद्धि गर्न र नगरलाई व्यवस्थित गर्न धमाधम व्यापारिक प्लटहरु खाली गर्न थालिएको उपमहानगरकापालिकाका कानुन अधिकृत विनोद कोइरालाले बताए। रासस