आज यहाँ आयोजित पत्रकार सम्मेलनमा मालपोत कार्यालयभित्र हुने यो अहिलेसम्मकै सबैभन्दा ठूलो ठगी प्रकरण भएको पीडित राजनले बताए। उनले आफूलाई धिताल भनी चिनाउने ती व्यक्ति तथा तामाङ फरार रहेको र उनीहरूसहित नक्कली जग्गाधनी लालपुर्जा बनाउन सहयोग गर्ने मालपोत कार्यालय चाबहिलका सम्बन्धित कर्मचारीलाई पक्राउ गरी कारबाही गर्न माग गरे।
अभियुक्तले नक्कली लालपुर्जा र नक्कली नागरिकताको प्रमाणपत्र तयार गरी काठमाडौं जिल्ला विष्णु गाविस–५ ख को कित्ता नं ४०८ को दुई रोपनी आठ आना जग्गा राजन, लक्ष्मी र सजनाका नाममा राजीनामा पास गरिदिएका थिए। पछि आफ्ना नाममा रहेको दुई रोपनी आठ आना जग्गामध्ये १३ आना दुई पैसा जग्गा जग्गाधनी राजनले पार्वती भण्डारीलाई बिक्री गरेपछि भण्डारी र उनका पति उमेशले घर बनाउन सुरु गरेपछि सक्कली धिताल आई विरोध गरेपछि उनीहरू ठगीमा परेको पत्ता लागेको थियो।

यसरी राजनसँग १३ आना दुई पैसा जग्गा खरिद गर्ने पार्वती र उनका श्रीमान् उमेश पनि ठगीमा परेका छन्।