आज मिति २०७० जेठ ८ गते बुधबार । राजधानीबाट प्रकाशित आजका दैनिक पत्रिकाले पूर्व सभासद सदरुल मियाँ हकको हत्याको खबरलाई उच्च प्राथमिकताका साथ छापेका छन् । त्यस्तै नायिका निशा अधिकारीले सगरमाथाको चुचुरोमा पाइला टेकेको खबरलाई पनि प्राथमिकताका साथ छापेका छन् ।
आजको कान्तिपुर दैनिकले विदेशीको सोधी खोजी पछि सर्वोच्चले पत्रिकामा सुचना प्रकाशित गरेको खबर छापेको छ भने, नागरिक दैनिकले सरकारले काठमाण्डौं हेटौंडा सुरुङमार्ग निर्माण गर्न अनुमति दिएको खबरलाई प्रमुखताका साथ छापेको छ ।
आजको अन्नपूर्णपोष्टले नौ किलो सुनसहित अमेरिकी नागरिक पक्राउ परेको खबर छापेको छ भने राजधानी दैनिकले सेनाले लडाकूको दर्जा निर्धारण गरेको खबरलाई प्राथमिकताका साथ छापेको छ ।