१५२ बल बाँकी छँदै मलेसियालाई पराजित गरेसँगै नेपाल समूह बीको शीर्ष स्थानमा रहँदै फाइनलमा प्रवेश गरेको हो। नेपाल र मलेसिया दुवै यो खेलअघि नै फाइनलमा पुगिसकेका थिए। 

यसअघिको खेलमा ह्याट्रिक गरेर सनसनी मच्चाएका अविनाश कर्णले आजको खेलमा पनि ६ विकेट लिएपछि टस जितेर ब्याटिङ रोजेको मलेसिया २२.४ ओभरमै ६९ रनमा समेटिएको थियो। 

भुवन कार्कीले दुई र यज्ञमान कुमाल तथा सुशान्त भारीले एक-एक विकेट लिए।

७० रनको लक्ष्यका साथ ब्याटिङमा उत्रिएको नेपाली टोलीका तर्फबाट हरिशंकर शाहले अविजित २८, विवत्सु थापाले १७, अमित श्रेष्ठले १० निश्चल पान्डेले ७ र निर्मल थापाले ३ रन बनाए।  

फाइनलमा नेपालले युएई वा साउदी अरेबियासँग खेल्नेछ।