पिसाव फेर्न गएका चार किशोरी फर्केनन्
बारा , - सदरमुकाम नजिक उत्तरझिटकैया १ स्थित एकै परिवारका ३ र अर्की १ किशोरी बिहीबार रातिदेखि सम्पर्कविहीन भएका छन् । शौच गर्न घरबाट समूहमा निस्केका २१ वर्षीया लक्ष्मी मिश्र, उनकी ४ वर्षीया छोरी खुश्बु कुमारी, १३ वर्षीया भान्जी प्रियंका र स्थानीय शिवदत राउत कुर्मीकी १५ वर्षीया छोरी कविताकुमारी रातिदेखि बेखबर रहेको प्रहरी नायब उपरीक्षक नवराज अधिकारीले बताए । गाउँ नजिक खेतबारीमा शौचमा राति ९ बजेतिर निस्केका उनीहरू नफर्केपछि आफन्तले खोजतलास थालेका हुन् । खेत, उखुबारी, बाँसघारीलगायतमा बिहान ५ बजेसम्म खोजी गरे पनि कुनै पतो नलागेको स्थानीय धर्मेन्द्र साह तेलीले बताए । घटनालाई आफन्तले लुकाएका कारण आफूहरूले बिहानमात्र थाहा पाएको प्रनाउ अधिकारीले बताए । किशोरी हराएको बारे घरभन्दा सय मिटर दूरीको सशस्त्र प्रहरी बल सुरक्षा बेसले बिहान जानकारी पाएको थियो ।
|
|
0 comments
Write Down Your Responses