८ साउन, चितवन । जिल्ला प्रहरी कार्यालय चितवनले आचरणविरुद्ध हिँड्ने ६ जना प्रहरीलाई सेवाबाट बर्खास्त गरेको छ ।

उनीहरुमध्ये एकजना सादा पोशाकमा हिँड्ने र एकजना महिला रहेका चितवनका प्रहरी प्रमुख दीपककुमार थापाले जानकारी दिनुभयो । महिलालाई भने अत्यधिक मदिरा सेवनका कारण बर्खास्त गरिएको उहाँले जानकारी दिनुभयो ।

उनीहरुको नाम भने खुलाइएको छैन । चितवनबाट सरुवा भई काठमाडौँ जान लाग्नुभएका थापाले सञ्चारकर्मीसँगको कुराकानीमा अन्य ४३ जना प्रहरीलाई विभिन्न कारबाही गरिएको र उनीहरु सईभन्दा तलको रहेका समेत जानकारी दिनुभयो । रासस