समाचार » मृगको मासुसहित चार जना पक्राउ

१५ वैशाख, तनहुँ । अवैध हतियार र मृगको मासुसहित तनहुँको ढोरफिर्दी प्रहरीले हिजो चार जनालाई पक्राउ गरेको छ । यसरी पक्राउ पर्नेमा दुलेगौडा गाविस निवासी ४५ वषर्ीय केशवहादुर थापा, वर्ष ६३ का दलमानसिं गुरुङ, इन्द्रबहादुर गुरुङ र प्रेमबहादुर गुरुङ रहेका छन् । पक्राउ परेका उनीहरुको साथबाट दुई थान रिभल्वर र नौ थान गोली, मृगको टाउँकोसहित प्रहरीले बरामद गरेको हो । उनीहरुको थप अनुसन्धान भइरहेको जिल्ला प्रहरी कार्यालय तनहुँले जनाएको छ । त्यसैगरी एक किलो चरेससहित दुई जनालाई प्रहरीले पक्राउ गरेको छ । जिल्लाको बन्दीपुर गाविस स्याउली भन्ने स्थानबाट दोलखाको भीमेश्वर नपा वडा नं ७ निवासी वर्ष ३० का रुपेश घिमिरे र लम्जुङको उदिपुर निवासी वर्ष २९ का सुनिलराज त्रिपाठीलाई पक्राउ गरिएको हो । पक्राउ परेका व्यक्तिहरुको थप अनुसन्धानका साथै आवश्यक कारवाहीको प्रक्रियाअघि बढाइएको बताइएको छ । रासस भिडियोको लागी तल क्लिक गर्नुहोला >>>

Labels: समाचार