खेलकुद » ग्यारेथ बेल प्लेयर अफ दि इयर घोषित

१६ वैशाख, काठमाडौं । टोटनह्यामका फर्वाड ग्यारेथ बेल एपीएफ प्लेयर अफ दि इयर र योङ्ग प्लेयर अफ दि इयर घोषित भएका छन् । इङ्गल्याण्डको प्रोफेसनल फुटबलर एशोसिएसनले २३ वर्षीय बेललाई प्लेयर अफ दि इयर र योङ्ग प्लेयर अफ दि इयरबाट सम्मान गरेको हो । एकै सिजनमा दुबै उपाधि पाउने उनी तेस्रो फुटबलर हुन् । यसअघि सन् २००७ मा क्रिष्टियानो रोनाल्डो र १९७७ मा एण्डी ग्रेले दुबै उपाधि जितेका थिए । प्लेयर अफ दि इयर बन्ने क्रममा बेलले म्यानचेष्टर युनाइटेडका रोविन भानपर्सी र माइकल क्यारिक तथा लिभरपुलका लुईस स्वरेजलाई पछि पारे । बेल यसअघि सन् २०१०÷११ को सिजनमा पनि प्लेयर अफ दि इयर बनेका थिए । यो सिजन प्रिमियर लिगमा २९ खेल खेलेका बेलले १९ गोल गरेका छन् । भिडियोको लागी तल क्लिक गर्नुहोला >>>

Labels: खेलकुद