२२ चैत, गोरखा । क्षण-क्षणमा फोन, इन्टरनेट, इमेलमार्फत सूचना, आदानप्रदानले संसारलाई नै साँघुरो कोठामा बदलिसकेको बेला गोरखा नगरपालिकाको एउटा समुदायमा गजबकै चलन छ- कटुवालमार्फत सूचना प्रवाह गर्ने । पौराणिक कालमा सूचना सञ्चार गर्ने विविध माध्यम हुन्थ्ये । कतै ढ्यांग्रो ठटाएर मान्छे भेला पारिन्थ्यो त कतै कटुवाल चिच्याउँथे । समयअनुसार सूचना बाँड्ने प्रविधि र शैली फेरिए पनि गोरखा नगरपालिका ९ का स्थानीय अहिले पनि कटुवालकै भर पर्छन् । गाउँमा हुने सभा समारोह, बैठक डाक्न कटुवाल कराउने प्रचलन यथावत रहेको छ । वन समूहको बैठक, डँडेलो निभाउने आह्वान, विद्यालय वा सार्वजनिक सडक मर्मतजस्ता सामाजिक कामको सूचना कटुवालले चिच्याएर दिने गरेको नागरिक दैनिकमा खबर छ । सामुदायिक जंगलमा डढेलो लागेको सूचना कटुवालको मुखबाट कानमा पर्ने वित्तिकै थालको भात छाडेर गाउँले जम्मा हुन्छन् । मेलापात, खेतीपाती छाडेर सामाजिक काममा जुट्न कटुवाल प्रचलनले वीरेन्चोकबासीलाई तम्तयार पार्दै आएको छ । गाउँलेलाई भेला गराएर सामाजिक काम लगाउने जिम्मा पाएका छन् ७५ बर्षका सन्तबहादुर माल्बुलले । १८ बर्षदेखि गाउँमा कटुवाल कराउन थालेका माल्बुल अहिले पनि उत्तिकै फूर्तिसाथ कटुवाल कराउँछन् । उनलाई गाउँलेहरुले कटुवाल बुढा वा बा भनेर बोलाउने गरेका छन् ।
0 comments
Write Down Your Responses