सामाजिक अध्ययन विषयको दुईवटा केन्द्र तोकिएको गौरीशंकर यादव क्याम्पसबाट छ जना परीक्षार्थी निष्काशित भएका छन्। निष्काशित हुनेमा धर्मेन्द्र राय, पूनम कुमारी, सुनिता यादव, सीता कुमारी जयसवाल, संगीता कुमारी र शोभा कुमारी रहेको जिल्ला शिक्षा अधिकारी दिलिप कुमार ठाकुरले बताए।
यसैगरी तीनवटा केन्द्र कायम गरी जुद्ध उच्च माध्यमिक विद्यालय गौरमा सञ्चालित परीक्षाबाट पनि छ जना निष्काशित भएका छन्। निष्काशित हुनेमा राजीव रंजन यादव, राम नरेश प्रसाद साह, राम नरेश राय यादव, रमेश कुमार यादव र अनिता यादव रहेको प्रमुख जिल्ला अधिकारी दिलबहादुर घिमिरेले बताए। निष्काशित हुने अंग्रेजी, गणित र स्वास्थ्य विषयका छन्।
बिहीबारको माध्यमिक तहको परीक्षा शान्ति र मर्यादितरुपमा सम्पन्न भए पनि निम्न माध्यमिक तहको परीक्षामा अर्काको कापी सार्ने, गेस र गाइडबाट नक्कल गर्ने र निरीक्षकले नै आफ्ना परीक्षार्थीलाई सिकाउने कार्य गरेको गुनासो परीक्षार्थीले गरेका छन्। यसैबीच गौरीशंकर यादव क्याम्पसको दुवै केन्द्रमा करिब आधा घन्टा ढिलो परीक्षा सञ्चालन भएको थियो।