समाचार » ७ वर्षीय बालिका बलात्कार गर्ने युवक पक्राउ

२३ बैशाख, सर्लाही । ७ वर्षीया बालिकाको बलात्कार गरेको आरोपमा सर्लाही प्रहरीले एक युवकलाई पक्राउ गरेको छ । सर्लाही लक्ष्मीपुर–८ असनवा टोल बस्ने राम पुकार चौधरीको छोरा १८ बर्षीय पप्पु चौधरीलाई बलात्कारको आरोपमा प्रहरीले पक्राउ गरेको हो । गत बैशाख २१ गते चौधरीले सोही टोल बस्ने ७ बर्षीया बालिकालाई आफ्नै घरमा ललाई फकाई जबरजस्ती करणी गरेको आरोप लागेको लगाइएको छ । अदालतबाट म्याद थप गराई चौधरीका बारेमा अनुसन्धान भैरहेको जिल्ला प्रहरी कार्यालय सर्लाहीले जनाएको छ । पिडित बालिकालाई स्वास्थ्य परिक्षणको रिपोर्ट भने आउन बाँकी रहेको प्रहरीले बताएको छ ।