१२ साउन, काठमाण्डौं । ललितपुरस्थित अधिकांश पार्टी प्यालेसले उपभोक्ताको स्वास्थ्यमाथि प्रतिकूल असर पार्ने दूषित बासी सडेगलेको मासु खुवाउने गरेको तथ्य फेला परेको छ।

खाद्य प्रविधि तथा गुण नियन्त्रण विभाग, जिल्ला प्रशासन कार्यालय ललितपुर, ललितपुर उपमहानगरपालिका र उपभोक्ता मञ्चसहितको अनुगन टोलीले गरेको अनुगमनका क्रममा यस्तो फेला परेको हो ।

खाद्य विभागका बरिष्ठ खाद्य अनुसन्धान अधिकृत ईश्वर सुवेदीले अनुगमनका क्रममा लाभ बन्क्वेट, याक पार्टी प्यालेस र अग्नी पार्टी प्यालेसले तीन चार दिन अगाडिको बासी प्रयोग गर्ने गरेको पाइएको खाद्य निरीक्षक सुवेदीले बताएको राजधानी दैनिकमा खबर छ ।

पार्टी प्यालेसमा सरसफाइसमेत नभएकाले परीक्षणका लागि नमुना संकलन गरिएको र तीन वटै पार्टी प्यालेसबाट गनाउने ४० केजी मासु नस्ट गरिएको सुबेदीले बताए ।