यहाँसम्म उनलाई कसैले उचालेर पुर्‍याइदिएको भने होइन । काठमाडौंबाट प्लस टु सकेपछि उनी कला र संगीतमा करिअर बनाउन पाँच वर्षअघि भारत गएकी थिइन् । उनी लखनउको भातखण्डे संगीत महाविद्यालयमा स्नातक गर्दै थिइन्, जी टीभीले 'डान्स इन्डिया डान्स' सुरु गर्ने भयो । त्यसको दोस्रो संस्करणमा उनी छनोटमा परिन् । बलिउडका चर्चित हस्तीहरू जज रहेको त्यो कम्पिटिसनमा उनले आफ्नो प्रतिभा देखाउने मौका पाइन् । त्यसअघि उनले लखनउमै मञ्चीय प्रस्तुतिसमेत दिइसकेकी थिइन् ।

'लखनउमा सिंगिङ र डान्सको राम्रो तालिम लिएर म अवसरको खोजीमा मुम्बई पुगेकी थिएँ, एउटा कलाकार उदाउनका लागि ठाउँ पनि चाहिन्छ,' हालै धनगढी मामाघर आएकी साब्धीले भनिन् । त्यहाँ दुई वर्ष बिताइसक्दा उनले अनुपम खेरको एकेडेमीबाट अभिनयमा डिप्लोमासमेत पूरा गरेकी छन् । साब्धी केही समयभित्र आफ्नै स्वरले सजिएको हिन्दी गीतको एल्बम 'नैना बावरे' समेत निकाल्दै छिन् । आठ गीत रहेको एल्बममा चारवटामा चाहिँ अरूहरूले पनि गाएका छन् । 'एल्बमले राम्रो बजार लिने आशा छ,' उनले भनिन् । त्यसअघि हेरौं, 'बेशर्म' को डान्सले कत्तिको बजार लिन्छ ।

Labels: bollywood, feature, मनोरञ्जन