समाचार » ओलीलाई अत्याउन अल्पमतको अचानो

२८ साउन, काठमाण्डौ । नेकपा एमालेको आगामी नबौँ महाधिवेशनमा केपी ओलीलाई अल्पमतमा पार्नै गठबन्धनको अभ्यास ओलीको प्रभावमा रहेको प्रभावशाली भातृ संगठन युवासंघ नेपालवाट सुरु भएको छ । बुटवल महाधिवेशनवाट निर्वाचित अध्यक्ष महेश बस्नेतलाई युवासंघभित्र अल्पमतमा पारेर पार्टी अध्यक्ष झलनाथ खनाल र बरिष्ठ नेता माधवकुमार नेपाल पक्षधरको गठबन्धनलाई बहुमतमा पुर्‍याउन प्रभाबशाली नेताहरु नै संलग्न रहेको खुलासा भएको छ । युवासंघ नेपालको गत साता स्थायी समितिको बैठक बोलाईको थियो । बैठकमा जानुअघि खनालका साँढुभाई सुरेन्द्र पाण्डेको निवासमा बरिष्ठ नेता नेपाल निकटस्थ पोलिष्टब्यूरो सदस्य रघुजी पन्त सहित बसेर युवासंघमा ओली पक्षधर अध्यक्ष बस्नेतलाई अल्पमतमा पार्नै योजना बनाइयो । नभन्दै स्थायी समिति बैठकमा बस्नेत अल्पमतमा परे । महासचिव राजीव पहारी पोखरामा थिए । बस्नेतको पक्षमा ६ जना र रावल तथा राजु गुरुङ गठबन्धनको पक्षमा १० जना देखिएपछि बस्नेतले केन्द्रीय समितिमा फेस गर्छु भनेर बैठक टुंग्याएको चर्चा युवासंघमा चलेको छ । महासचिव पहारीसहित हाल १७ सदस्यीय स्थायी समितिमा बस्नेतको पक्षमा ७ जनामात्र रहेको रावल पक्षको दावी छ । माधव नेपाल पक्षधर उपाध्यक्षहरु झपट रावल, दिलकुमारी पन्त, सूर्य ढकालसहितको टोली झलनाथ खनालसंगको गठबन्धनमा लागेपछि बस्नेत अप्ठेरोमा परेका हुन् । आजको साँघु सप्ताहिकले समाचार छापेको छ ।

0 comments

Write Down Your Responses