समाचार » बेपत्ता युवा डेढ महिनापछि मृत भेटिए

भिडियोको लागी तल क्लिक गर्नुहोला >>>

, पाल्पा, चैत्र ३०, घरबाट बेपत्ता भएको झण्डै डेढ महिनापछि गुल्मी सिर्सेनीका एक युवाको शव भेटिएको छ। सिर्सेनी गाविस-१ भुजुङ्ग गाउँका २० वर्षीय बसन्त विश्वकर्माको शव शुक्रबार मरभुङ्ग-३ भ्यागुते भिरमा क्षतविक्षत अवस्थामा फेला परेको प्रहरीले जनाएको छ। बसन्त फगुन १२ गतेदेखि घरबाट बेपत्ता भएका थिए। उनलाई कतै फेला नपारेपछि परिवारले खोजी गर्न प्रहरीमा निवेदन दिएका थिए। बसन्तका बाबु खगेन्द्र बिश्वकर्माले छोराको हत्या भएको हुनसक्ने बताएका छन्। उनले घटनाबारे छानविन गर्न प्रहरीमा उजुरी गर्ने बताएका छन्। शवको प्रकृति हेर्दा हत्या गरेर फालिएको हुन सक्ने प्रहरी अनुमान छ। दुई महिना अघि मरभुङ्गकै एक स्थानीय पत्रकार चन्दन नेपालीको पनि सोहि गाविसको अर्को भिरमा शव फेला परेको थियो। उनको समेत रहस्यमय मृत्युबारे प्रहरीले अनुसन्धान भैरहेको बताएपनि दोषी पत्ता लाग्न सकेको छैन। भिडियोको लागी तल क्लिक गर्नुहोला >>>

Labels: समाचार