११ असार, काठमाण्डौं । नक्कली भारतीय रुपैयाँका कारोबारीले चिनियाँ भूमिसमेत प्रयोग गर्न थालेको थाहा भउको छ । चीनबाट कुरियर गरी काठमाण्डौं हुँदै वीरगञ्ज पठाइएको झन्डै ३० लाख नक्कली भारु प्रहरीले बरामद गरेपछि यो कुरा खुलेको हो ।

चीनले सेन्जेन सहरबाट डीएचएलमा मनोहर गिरीका नाममा कुरियर भएर उक्त नक्कली नोट काठमाण्डौं आएको र यहाँबाट वीरगञ्ज पठाएको मंगलबार प्रकाशित कान्तिपुर दैनिकमा खबर छ । प्रहरी मुख्यालयको विशेष व्युरो र वीरगञ्ज प्रहरीले २९ लाख ६५ हजार नक्कली भारुसहित तीन जनालाई सोमबार पक्राउ गरेको हो ।

प्रहरी स्रोतका अनुसार भार प्रायः पाकिस्तानमा बनाइने गरिन्छ र त्यहाँका संगठित गिरोहले अनेक मार्ग र विधि प्रयोग गरेर भारतसम्म पुर्‍याउने गरेका छन् ।