सोलुखुम्बु- चौरीखर्क–९ फाक्दिङमा रहेको यति माउन्टेन रिसोर्टमा आज बिहानदेखि आगलागी भइरहेको छ। थामसेर्कु ट्रेकिङ कार्यालयअन्तर्गत सञ्चालित सो रिसोर्टमा साढे ८ बजेदेखि आगलागी भइरहेको स्थानीयवासी इन्द्रहाङ राईले जानकारी दिए। आगलागीबाट होटलको भान्छा, डाइनिङ रुप, भण्डार स्टाफ रुमलगायत जलिसकेको छ। आगो निभाउनका लागि इलाका प्रहरी कार्यालय चौरीखर्कबाट पाँच प्रहरी र विमानस्थल सुरक्षा गार्डका सात जनालाई हेलिकोप्टरमार्फत् घटनास्थलमा पुर्या इएको छ। त्यस्तै सगरमाथा राष्ट्रिय निकुञ्जमा रहेको नेपाली सेना पनि आगलागी नियन्त्रणका लागि घटनास्थलमा आइसकेको प्रहरीले जनाएको छ। खाना बनाउने क्रममा ग्यास पड्किएर आगलागी भएको हुनसक्ने आशङ्का गरिएको छ। थामसेर्कु ट्रेकिङ कार्यालयले लुक्ला, फाक्दिङ, मञ्जु, नाम्चे, थामे र कोङ्देमा गरी सात स्थानमा रिर्सोट सञ्चालन गरिरहेको छ।