आज मिति २०७० साउन १२ गते शनिबार । राजधानीबाट प्रकाशित आजका दैनिक पत्रिकाले तोकिएकै समयमा नेपालमा संविधानसभा निर्वाचन हुनेमा भारत विस्वस्त रहेको खबरलाई उच्च प्राथमिकताका साथ छापेका छन् ।
कान्तिपुर दैनिकले नेताहरु दिल्ली गइरहनुको कारणसहितको खबरलाई मुख्य बनाएको छ भने राजधानी दैनिकले नेकपा-माओवादीले चुनावको बहिष्कार गर्नुको कारण भारतले सोधेको खबरलाई मुख्य बनाएको छ । हत्या गरिएकालाई मरेको प्रमाणपत्र वितरण गरेको खबर अन्नपूर्ण पोष्टले मुख्य रुपमा छापेको छ भने जेपी गुप्ता अर्धभूमिगत भएको खबर नयाँ पत्रिकाले छापेको छ ।