आज मिति २०७० साउन १५ गते मंगलबार । राजधानीबाट प्रकाशित आजका दैनिक पत्रिकाले दलहरुले चुनावी दस्ता तयारीमा जुटेको खबरलाई प्राथमिकताका साथ छापेका छन् ।

आजको कान्तिपुर दैनिकले सुरक्षा निकायका प्रमुखहरुको बैठकले चुनाव बिथोल्नेलाई कडा कारबाही गर्ने निष्कर्ष निकालेको खबरलाई मुख्य बनाएको छ । त्यस्तै नागरिक दैनिकले हर्जयात्रा टेन्डरमा घोटला भएको खबरलाई प्रमुख बनाएको छ ।

चुनावमा होमिन शिक्षकहरुलाई एमाओवादीले निर्देशन दिएको खबर राजधानी दैनिकले मुख्य रुपमा छापेको छ भने क्षेत्र निर्धारणको विवाद नमिलेपछि राजिना दिएको खबरलाई नयाँ पत्रिकाले मुख्य रुपमा छापेको छ ।