समाचार » दैलेखमा वृद्धाको कुटीकुटी हत्या

दैलेखको गोगनपानी गाविस-३ की एक वृद्धा छिमेकीबाटै कुटीकुटी मारिएकी छन् । रिसिइबीका कारण छिमेकीले ६१ वर्षीया पार्वती बास्कोटालाई आइतबार चिर्पटले कुटीकुटी हत्या गरेको प्रहरीले जनायो । हत्या आशंकामा प्रहरीले स्थानीय एक महिला र पुरुषलाई नियन्त्रणमा लिएको छ । हत्याको अन्य कारण नभै रिसिइवी हुनसक्ने प्रहरी निरिक्षक हेमराज भट्टले बताए । 'गरगहना र धनमाल चोरी भएको छैन् । वृद्धालाई घरमा एक्लै देखी उनीहरुसंग झगडा परिरहने सुनियो' भट्टले भने, 'यसअघि रानीमत्ता प्रहरी चौकीमा उजुरी पनि परेको रहेछ ।' ती व्यक्तिहरु अनुसन्धानकै क्रममा रहेकाले तत्काल नाम सार्वजनिक नगर्ने उनले बताए । करिब तीन महिना अघि उनका श्रीमान्को मृत्यु भएपछि उनी घरमा एक्लै थिइन् ।