श्रीमतीको मृत्युपछि ती पुरुषले आफ्नी श्रीमतीको शवलाई परम्परा अनुरुप नै चिहानमा गाडे । तर उनलाई श्रीमतीको यादले यति धेरै सतायो की केही समयपछि उनले श्रीमतीलाई गाडेको चिहान खोतले र श्रीमतीको कुहिएर बचेको अस्थिपञ्जर सहितको शवलाई बोकेर घर ल्याए । घर ल्याएपछि त्यसमा माटोले लपेटे अनी मान्छेको मर्ूर्ति जस्ता आकारमा ढाले । ती व्यक्तिले आफु एक सामान्य व्यक्ति रहेको र श्रीमतीको शवसँग सुत्दा कुनै डर महसुस नहुने बताउँछन् । विचरा ती पुरुष श्रीमतीको मायाले पिरोलेपछि चिहानबाट श्रीमतीको शव निकालेर १० वर्षेखि घरमा राखिरहेका छन् तर उनी कानूनको कठघरामा उभिनुपर्ने भएको छ । उनमाथि शवलाई घरमा राखेको आरोप छ । त्यहाँको कानून अनुसार मान्छेको शवलाई लामो समयसम्म घरमा राख्न पाइँदैन ।
 उनले हरेक दिन बिहान आफ्नी श्रीमतीको शवलाई सफा गर्छन् । राम्रा राम्रा कपडा लगाइदिन्छन् । श्रीमतीले जिउँदो छँदासम्म राम्रा कपडा लगाउन नपाएको गुनासो छ उनको । त्यसैले एक दिनमै २ थरी राम्रा राम्रा कपडा लगाइदिन्छन् श्रीमतीको शवलाई । उनलाई मान्छेले यस्तो पागलपना नदेखाउन कैयौपटक सुझाव दिए । तर ती व्यक्ति मान्ने वाला छैनन् । आफ्नी श्रीमतीको मृत्यु भएपनि श्रीमतीको आत्मा नमरेको ठहर उनको छ ।

विश्व बजारमा ‘ग्याङनम स्टाइल’ले चर्चा पाएपछि यसको सिको धेरै भाषामा गरियो । बलिउडमा पनि ‘ग्याङनम स्टाइल’ भन्दैै एक गीत तयार भयो । नेपाली सिनेमाका चर्चित कलाकार राजेन्द्र खड्गीले पनि आफ्नो प्रदर्शनमा आउन लागेको चलचित्र ‘नोथीङ इम्पोसिबल’मा पनि ‘गम्फु स्टाइल’ भन्दै एक गीत समावेश गरेका छन् ।

अब डीजे एलएक्सले पनि एक यस्तै गीत बजारमा ल्याएको छ । ‘ओपा जंगे स्टाइल’ भन्दै तयार पारिएको गीतको हाल केही अंश मात्र सामाजिक संजालमा छोडिएको छ । जसले बजारमा राम्रै चर्चा पनि पाइरहेको छ । राणा शासनकालका चर्चित प्रधानमन्त्री जंगबहादुर राणाको भेषमा मोडलले जंगे स्टाइल भनिरहेको देख्न सकिन्छ ।