आइफोन निर्माता अमेरिकी कम्पनी एप्पलले दुइ नयाँ मोडेलका आइफोन सार्वजनिक गरेको छ । आइफोनले सार्वजनिक गरेका आइफोनमध्ये एउटा निकै सस्तो छ । अमेरिकामा ९९ डलर मूल्य तोकिएको यो सस्तो आइफोन प्लास्टिकको आइफोन हो । यसको नाम आइफोन ५ सी राखिएको छ ।
आइफोन ५ सी सँगै एप्पलले अर्को उच्च गुणस्तरीय तथा महंगो आइफोन ५ एस समेत सार्वजनिक गरेको छ । यसको मूल्य अमेरिकामा ४६९ डलर तोकिएको छ ।
सस्तो मूल्यको आइफोन ५ सी विभिन्न ५ वटा रंगमा उपलब्ध रहेको एप्पलले जनाएको छ । यो गएको वर्ष सार्वजनिक भएको आइफोन ५ को प्लास्टिक रुप हो । जबकी आइफोन ५ एस विभिन्न ३ रंगमा उपलब्ध गराइएको छ ।
कस्ता कस्ता छन् विशेषता ?
आइफोन ५ सी मा ४ इन्चको रेटिना डिस्प्ले, ए सिक्स प्रोसेसर, आइफोन ५ मा भन्दा केही ठूलो ब्याट्री, ८ मेगापिक्सेलको पछाडिको क्यामराका साथै फेस टाइम एच डी क्यामरा रहेको छ । साथै यसमा डुअल ब्याण्ड वाइफाइ, ब्लुटुथ ४ रहेको छ ।

त्यस्तै आइफोन ५ एस मा ए सेभेन चिप रहेको छ जसका कारण यो आइफोनको गति आइफोन ५ को भन्दा दोब्बर हुनेछ । यसका साथै फिंगर पि्रन्ट स्क्यानर तथा टच आइडी लक फिचर रहेको छ । यसमा २८ मेगापिक्सेलको एलइडी क्यामरा रहेको छ ।

अमेरिकी इलेक्टोनिक्स कम्पनी एप्पल र उसको प्रतिस्पर्धी कोरियन कम्पनी सामसुङबीच स्मार्ट वाचमा प्रतिस्पर्धा हुने भएको छ ।

 

तपाईं जिम जानुहुन्न? शरीर सुगठित छैन होला। तर फेसबुकमा तपाइँको फोटो सलमान खानको जस्तै 'सिक्सप्याक' देखिन सक्छ। आफ्नो तस्वीरलाई शानदार देखाउन वा अनलाइनमा गेम नखेली 'हाइ स्कोरर' बन्न प्रवर्द्धकहरु आएका छन्। यो काम अब अरुले नै गरिदीने छन् तपाइँले पैसा तिरे पुग्छ। आजभोलि यस्ता प्रवर्द्धकहरु उद्योग जसरी नै विकास हुँदै आइरहेका छन्। तिनीहरुको मुख्य काम भनेकै मानिस तथा कुनै संस्थाको अनलाइन प्रोफालाई प्रवर्द्धन गर्नु हो।

मोबाइल टेक्स म्यासेज (एसएमएस) रिप्लाई गर्दा सतर्क हुनु पर्ने अवस्था आएको छ। तपाईंको एसएमएस रिप्लाई ह्याकरको हातमा पुग्न पनि सक्छ। सुरक्षा विशेषज्ञहरुका अनुसार मोबाइल फोनको सिम कार्डबाट जासुसीको खतरा बढ्दै गएको हो। यो प्रविधिमार्फत् ह्याकरले तपाईंको मोबाइको सबै डाटा चोर्न पनि सक्छन्। यसका लागि तपाइँलाई ह्याकरले कुनै खास सन्देश पठानेछन्।
मोबाइल फोन सुरक्षा विशेषज्ञ कास्टन नोलले भनेका छन्— 'अपराधीहरुले यो प्रविधिको गलत प्रयोग गरेर प्रयोगकर्ताको निजी कुराकानी सुन्न पनि सक्नेछन् र उसको ब्यालेन्स चोर्न पनि सक्छन्।' मोवाइल कम्पनिसँग सम्वन्धित संस्था जीएसएमएले यो पछिल्लो जानकारी बारे आफुले अनुसन्धान गरिरहेको बताएको छ ।

कसरी हुन्छ ह्याकिङ

नोलले यस प्रकारको खतराको पहिलो जानकारी आफ्नो बर्लिनस्थित कम्पनी सुरक्षा अनुसन्धान प्रयोगशालाको वेबसाइटमा जारी गरेको बताएका छन् ।

सिम (सस्क्राइबर आइडिन्टिटी मोड्यूल) कार्ड ले प्रयोगकर्ताकोे नेटर्वकसँग जोडिएको उसको पहिचानको प्रमाणित गर्छ । यसमा केही मात्रामा डाटाहरु पनि रहने गर्छन् । म्यासेज, सम्पर्क नम्बर तथा केही ऐप्लिकेशनसँग सम्वन्धित जानकारीहरु यसमा हुन्छन् । यो कार्डमा बैंकिग सेवा सँग जोडिएको जानकारी समेत हुने गर्छ । नोलले भनेका छन् कुनै उपकरणबाट सन्देश पठाएर प्रयोगकर्ताको पासवर्डको पत्ता लगाउने बाटो उनीहरुले पहिल्याएका छन् । उनका अनुसार धेरै जसो फोनको फर्जी हस्ताक्षरको पहिचान गरी सम्पर्क काटिन्छ तर एक चौथाईले भने एरर म्यासेजको रिप्लाई गर्छन् जसमा सिमको पासवर्डको केही अंश हुन्छ । अफ्रिकामा मानिसहरु बैंक सेवाको लागि मात्र सिम कार्ड सुरक्षा प्रणाली अपनाउने गर्छन् ।

यो प्रणाली केही समय सुरक्षित मानिए पनि यसको कोड पत्ता लगाउन सजिलो भै सकेको नोलको भनाइ छ ।

उनले भनेका छन् ह्याकरसँग यो जानकारी एक पटक हात प¥यो भने यो प्रोग्रामिङ भाषा 'जाभा' मा लेखेर सिमको डाटा डाउनलोड गर्न सक्ने छन्। उनीहरुले सिमबाट तपाईको निगरानी पनि गर्न सक्ने तर्फ पनि उनले सचेत गराएका छन् ।

अपरेटरहरुले भने ३ जी वा ४ जी कलमा यो सम्भव नभएको दाबी गरेकाछन् । तर सिमकार्ड सम्म पहुँच भयो भने यो पनि सम्भव हुने छ नोलको भनाई छ । नोलको शोधका अनुसार १० सिम मध्ये ८ सिम कार्डमा यस प्रकारको खतरा रहेको छ । 

तपाइँको घडीमा कस्ता फिरच छन् ? समय, मिति, दिशा देखाउने अथवा स्थान बताउने? घडि अब त्यति मात्र रहेन। पेब्ले स्मार्ट घडि लगाउनु भएको छ भने तपाइँले फेसबुक र ट्विटर नै ब्राउज गर्न सक्नुहुनेछ। गुगल प्लेमा जानुहोस् र पेब्ले रकर एप खोज्नुहोस्। स्विस आर्मी नाइफ जस्तो यो एपले पेब्ले घडिका लागि फरक किसिमका फङ्सनहरु एकै ठाउँमा राखिदिएको छ। पेब्ले रकरबाट फेसबुक र ट्विटरको टाइमलाइन हेर्न सकिनेछ। फोटो ग्यालरी देख्न सकिनेछ। ट्विटर र फेसबुक अकाउन्ट चलाइरहँदा एकबाट अर्कोमा 'मुभ' गरेर दुवैका छुट्टा छुट्टै मेसेज हेर्न सकिनेछ। घडीको दायाँपट्टिको माथि अथवा तलतिर भएको बटनमा डबल क्लिक गरेर फरक फरक मेसेज हेर्न सकिन्छ। कमेन्ट हेर्न तथा फिड रिफ्रेस गर्नको लागि घडिको बीच भागमा रहेको बटन प्रयोग गर्नुपर्ने हुन्छ। पेब्ले घडीमा इन्स्टल भएको एपले तपाइँको फोन तथा पेब्ले रकर एपसँग सम्पर्क गरेर यो काम गर्दछ।

पेब्ले रकर एपको एउटा अवगुण भनेको यसले तपाइँको पेब्ले घडीमा मल्टिपल एप इन्स्टल गर्न लगाउनेछ। जसले गर्दा लिमिटेड स्पेस भएको घडिमा धेरै एप राख्न समस्या हुनेछ। यसले प्रयोगकर्तालाई कुन चाहिँ एप डिलिट गर्ने र कुन चाहिँ राख्ने भन्ने झन्झट थपिदिन्छ। तर धन्दा नमान्नुहोस् घडीमा फेसबुक ट्विटर ब्राउज गर्न सकिने यो एप छिटै 'अल इन वान' भर्सनमा आउँदैछ।

के हो पेब्ले घडी?

पेब्ले घडी एउटा नयाँ टेक्नोलोजीको स्मार्ट घडी हो। यसलाई पेब्ले टेक्नोलोजीले यही वर्ष निर्माण गरी उपभोक्ता समक्ष पठाउन थालेको हो। यो नयाँ टेक्नोलोजीलाई संस्थागत स्वरुपमा ढाल्न क्राउड फण्डिङ साइट किकस्टारमार्फत १ करोड २६ लाख ६ हजार डलर जम्ममा गरिएको थियो। २०१३ जनवरीदेखि उत्पादन थालेको पेब्ले घडीले जुलाइसम्ममा ८५ हजार घडी बिक्री गरेको छ। (माथिको तस्विर ग्यालरी हेर्नुहोस्) रियल टाइम अपरेटिङ सिस्टमको फ्रि रुट प्रयोग भएका पेब्ले घडीहरुले एन्ड्रोइड तथा आइओएस सिस्टमलाई सजिलै 'टु वे' सञ्चार गर्ने क्षमता राख्छन्।

पश्चिम बेलायतको ब्रिस्टल रोबोटिक्स ल्याबका बैज्ञानिकहरु पिसाबबाट विद्युत निकाल्ने योजनामा जुटेका छन्। अनुसन्धानरत वैज्ञानिकहरुका अनुसार अब शौचालय नै एउटा सानो बिजुली घरको रुपमा परिणत हुनेछ। यसको लागि पहिलो चरणमा वैज्ञानिकहरुले पिसाबले उत्पादन गर्ने विद्युत शक्तिबाट चार्ज हुने मोबाइल चार्जर बनाएका छन्। यो चार्जरले कमसेकम ६ मिनेटसम्म कुरा गर्न सक्ने गरी ब्याट्री चार्ज गर्न सक्छ। उक्त चार्जले इन्टरनेट चलाउन र म्यासेज लेख्न पनि सकिन्छ। योजनाका मुख्य अनुसन्धानकर्ता इआनिस इरोपोयुलसका अनुसार विकासशील देशको लागि सबै विकल्प सम्भव रहने गरी काममा जुटेको बताएका छन्। 'कल्पना गर्नुस हामी कुनै देशको यस्तो कुनामा छौ जुन बाहिरी दुनियादेखि अलग छ। त्यहाँ हामी मलमुत्रको प्रयोग गरी आफ्नो सामान चार्ज गर्न सक्छौं। दोस्रो पनि कल्पना गर्नुस् हामीसँग यस्तो प्लग होस् जो घरको वाथरुममा लगाउन सकियोस् र काम गर्न सकियो।' मोबाइल चार्ज सबैभन्दा उपयुक्त यो इन्धन कोशिकाहरुबाट चल्छ। यी कोशिकामा बिजुली उत्पन्न गर्ने सूक्ष्म जीवाणु हुन्छन्। यी जीवाणुको प्रिय भोजन पिसाब हो। वैज्ञानिकहरुले यसको मूल्य महँगो नपर्ने तथा यसलाई वाथरुमा वा शौचालयमा राख्न सकिने बताएका छन्। पिसाबबाट उत्पादन भएको विद्युत्‌ले अन्य विद्युतीय सामग्री चलाउन पनि सकिनेछ। तर मोबाइल चार्ज गर्न यो सबैभन्दा उपयुक्त हुने वैज्ञानिकहरुको भनाइ छ। भिडियोको लागी यहाँ क्लिक गर्नुहोला

भिडियोको लागी तल क्लिक गर्नुहोला